آخر تحديث: ٢٣ أكتوبر ٢٠٢٦
إحنا في «مجموع» بنحترم خصوصيتك. الصفحة دي بتوضّح إيه المعلومات اللي بنجمعها، وليه، وإزاي بنحافظ عليها.
لما تختار «المتابعة باستخدام Google» بنستخدم تسجيل الدخول من جوجل (Google Identity Services). الإيميل والاسم والصورة اللي بيبعتهم جوجل بنستخدمهم بس عشان نعمل حسابك ونسجّل دخولك ونعرض اسمك في المنصة. ما بنبيعهمش، وما بنستخدمهمش في إعلانات، وما بنديهمش لحد غير مزوّد تسجيل الدخول والتخزين (Supabase). تقدر تشيل صلاحية «مجموع» من حساب جوجل في أي وقت من إعدادات حساب جوجل، وتطلب مننا حذف حسابك وبياناتك (البند ٨).
Google user data (English summary): If you sign in with Google, Magmou3 receives only your name, email address and profile picture from Google. We use them only to create your account, sign you in and show your name in the app. We do not access any other Google data (Gmail, Drive, contacts, etc.), we do not sell this data, use it for advertising, or share it with anyone other than Supabase, our sign-in and storage provider. You can remove Magmou3's access at any time from your Google Account permissions page and ask us to delete your account and data via WhatsApp +20 100 787 7308.
عشان نعرف الموقع بيتستخدم إزاي ونحسّنه، بنسجّل إحصائيات بسيطة عن الزيارة، سواء عندك حساب أو لسه ما عملتش. الإحصائيات دي مجهولة ومش بتقول إنت مين:
الإحصائيات دي ما فيهاش اسمك ولا إيميلك ولا رقم تليفونك. بنستخدمها بس عشان نحسّن الموقع، وما بنبيعهاش ولا بنشاركها مع حد، وبنمسحها بعد ٦ شهور.
Microsoft Clarity: بنستخدم كمان أداة Clarity من مايكروسوفت عشان نشوف الصفحات بتتستخدم إزاي: بتسجّل حركة الصفحة زي الضغطات والسكرول، وبتعمل خرايط للأماكن اللي الطلاب بيضغطوا عليها أكتر، وده بيساعدنا نلاقي الحاجات اللي مش شغالة كويس ونصلّحها. اللي بتكتبه في الخانات ما بيتسجّلش، واسمك وإيميلك ورقم تليفونك والأرقام والرسايل اللي بتبعتها للمساعد بتتخفي في التسجيلات. البيانات دي بتتخزن عند مايكروسوفت، والأداة بتستخدم كوكيز عشان تربط صفحات الزيارة الواحدة ببعض. نفس الطريقتين اللي فوق بيوقفوها برضه.
Meta Pixel: بنستخدم أداة Meta Pixel (فيسبوك) عشان نعرف إعلاناتنا على فيسبوك وإنستجرام بتجيب طلاب بيستفيدوا فعلًا: بتعرف إن حد زار الصفحة، أو بدأ يحل أسئلة، أو عمل حساب، أو اشترك، من غير ما نبعتلها اسمك أو إيميلك أو رقم تليفونك. ميتا بتستخدم كوكيز وبتربط الزيارة بحسابك عندها لو أنت فاتح فيسبوك، وده بيخضع لسياسة الخصوصية بتاعتها. نفس الطريقتين اللي فوق بيوقفوها برضه.
بياناتك متخزّنة بأمان على خوادم Supabase، وكل طالب يقدر يشوف بياناته هو بس (مفيش طالب يقدر يشوف بيانات طالب تاني). ما بنبيعش بياناتك ولا بنأجّرها لأي حد.
المنصة موجّهة لطلاب الثانوية العامة، وكتير منهم تحت ١٨ سنة. لو أنت تحت ١٨، من فضلك استخدم «مجموع» بعلم ولي أمرك. لو ولي أمر وعايز تطلب حذف بيانات ابنك/بنتك، تواصل معانا.
تقدر في أي وقت تطلب الاطّلاع على بياناتك أو تصحيحها أو حذف حسابك بالكامل. كل اللي عليك إنك تتواصل معانا.
ممكن نحدّث سياسة الخصوصية من وقت للتاني، وهنبيّن دايمًا تاريخ آخر تحديث في أول الصفحة. استمرارك في استخدام المنصة بعد التحديث معناه موافقتك على النسخة الجديدة.